شعر بلوه

باچر اشوفك وين لاتگلي مشغول *** من تفرغ متانيك بس دگلي مسكول

خابرت ما رديت ليش انت زعلان؟ *** فهمني گلي شبيك يا اجمل انسان
مو بالكلب بالروح أريد أني أضمك وشحده اليكول أهواك لو حتى أمك
لا الله يرضى بهاي لا دين الاسلام منك لخلص الروح وانسفه بحزام
عاشرت ماخليت كل مذهب ودين ...
مثل الحنان البيك ماشافت العين
ارسل مع عمري عمرين ...
ومن دمي نهرين ...
ومن قلبي ثلثين ...
وتبخل عليه بمسج سطرين
ــــــــــــــــــــــــــــــــــــــــــــــــــــــــــ
منك ردت بس صوت يوصل لذاني... حته أطمئن ماكول شخصك نساني
أدوهـنـت هالـروح متخبلة أخبال ... طحين أبيض الخدين وأدور أنخال
دورت ما خليت لجروحي بلسم *** لاتنشد على الحال بس الله يعلم

دجله وفرات الروح والكلب ذي قار *** وعماره عيني اتصير والجسد انبار
انته الرمش والعين والفص والجفون***والينسه شخصك يوم ريته بعمه عيون
صح ماتصح اخوان يوم اليصح ضيج *** بس انت ماي اصير من ينشف الريج
ــــــــــــــــــــــــــــــــــــــــــــــــــــــــــــــــ
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابوذيات
ذبت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية
شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه
دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه